ఉప్పల్ లో గంటల కొద్దీ ట్రాఫిక్ జామ్

దిశ,ఉప్పల్ : ఉప్పల్​లో రోజురోజుకు ట్రాఫిక్ సమస్య పెరిగిపోతుంది. పిస్తా హౌస్ నుంచి బీరప్పగడ్డ వెళ్లే రహదారిలో నిత్యం ట్రాఫిక్ సమస్య తలెత్తుతుంది. ట్రాఫిక్ పోలీసులు ఉన్నట్టా లేనట్టా అని వాహనదారులు ఆగ్రహం వ్యక్తం చేస్తున్నారు. ప్రతిరోజూ ఉదయం, సాయంత్రం గంటల కొద్దీ ట్రాఫిక్ జామ్ అవడంతో వాహనదారులు నరకయాతన అనుభవిస్తున్నారు. చాలాసార్లు ట్రాఫిక్ పోలీసులకు సమాచారం అందించినా పట్టించుకునే వారు కరువయ్యారని వాహనదారులు ఆరోపిస్తున్నారు. ప్రతిరోజూ ఈ రహదారిలో నిత్యం ట్రాఫిక్ సమస్య ఏర్పడుతుంది. ట్రాఫిక్ పోలీసులు చొరవ తీసుకొని ట్రాఫిక్ సమస్య నుంచి కాపాడాలని వాహనదారులు కోరుతున్నారు.