దోభీఘాట్​ పనులను త్వరగా పూర్తి చేయాలి

దిశ, కూకట్​పల్లి : దోభీఘాట్​ పనులను త్వరగా పూర్తి చేయాలని ఎమ్మెల్యే మాధవరం కృష్ణారావు అన్నారు. బాలానగర్​ డివిజన్​ పరిధి కేపీహెచ్​బీ కాలనీ రోడ్డు నంబర్​ ఒకటిలోని దోభీఘాట్​ను ఎమ్మెల్యే మాధవరం కృష్ణారావు సోమవారం అధికారులతో కలిసి పరిశీలించారు. ఈ సందర్భంగా ఎమ్మెల్యే మాట్లాడుతూ అత్యాధునిక హంగులతో దోభీ ఘాట్​ను అభివృద్ధి చేసేందుకు పనులను ప్రారంభించామని, పనులను వెంటనే పూర్తి అయ్యేలా అధికారులు చర్యలు తీసుకోవాలని అధికారులకు ఆదేశించారు. అదే విధంగా నాయీ బ్రాహ్మణ సంఘం భవన నిర్మాణ పనులను, నాలా నిటైనింగ్​ వాల్​ పనులను త్వరితగతిన పూర్తి చేయాలని ఆదేశించారు. ఈ కార్యక్రమంలో డీఈ శంకర్​, ఏఈ శ్రీనివాస్, మాజీ కార్పొరేటర్ పగుడాల బాబురావు​, రజక సంఘం, నాయీ బ్రాహ్మణ సంఘం సభ్యులు తదితరులు పాల్గొన్నారు.