ఇప్పుడు కాంగ్రెస్‌లో ఉన్నావు.. రేపు ఏ పార్టీలో ఉంటావో నీకే క్లారిటీ లేదు : వైఎస్ షర్మిల
దిశ, సంగారెడ్డి: జగ్గారెడ్డి.. కేటీఆర్ కోవర్ట్ అనే విషయం గాంధీ భవన్ మొత్తం తెలుసు అని వైఎస్‌ఆర్ తెలంగాణ పార్టీ అధ్యక్షురాలు వైఎస్ షర్మిల ఆరోపించారు. సోమవారం పాదయాత్రలో భాగంగా కంది మండలంలో పర్యటించారు. ఈ సందర్భంగా ఆమె మాట్లాడుతూ.. పార్టీలోకి పిలిచారని జగ్గారెడ్డి.. పిచ్చి పిచ్చి మాటలు మాట్లాడుతున్నారని ఆగ్రహం వ్యక్తం చేశారు. పార్టీలు మారే ఖర్మ వైఎస్‌ఆర్‌కి పట్టలేదు, నీలా పార్టీలు మారి రాజకీయ వ్యభిచారం చేసే సంస్కృతి వైఎస్‌ఆర్‌ది కాదన్నారు. పొద్దున టీఆర్‌ఎస్, మధ్యాహ్నం బీజేపీ, సాయంత్రం కాంగ్రెస్ ఎవడు పిలిస్తే అక్కడికి పోతావని జగ్గారెడ్డి పై వైఎస్ షర్మిల ఆగ్రహం వ్యక్తం చేశారు. ఎనిమిది ఏండ్లలో ఒక్కరోజైనా ఒక్క ఎకరాకు నీళ్ళు ఇవ్వలేదు అని ప్రభుత్వాన్ని ప్రశ్నించావా..? అని జగ్గారెడ్డిని వైఎస్ షర్మిల ప్రశ్నించారు.
సంగారెడ్డి ప్రజలకు కోసం ఒక్క రోజైనా కొట్లాడావా..? టీఆర్‌ఎస్ మంత్రి ఒకరు సంగారెడ్డిని దత్తత తీసుకుంటా అన్నారు, దత్తత తీసుకున్న తర్వాత అభివృద్ధి ఏది అని కొట్లాడినవా అంటూ ప్రశ్నించారు. నీతో లాభం లేని సంగారెడ్డికి నువ్వు ఎమ్మెల్యే గా ఉంటే ఎంత, లేకుంటే ఎంత.. ఇప్పుడు కాంగ్రెస్‌లో ఉన్నావు రేపు ఏ పార్టీలో ఉంటావో నీకే క్లారిటీ లేదని నువ్వా మా గురించి మాట్లాడేదంటూ.. ఆగ్రహం వ్యక్తం చేశారు.
ALSO READ : YSR కూతురు అని కూడా చూడను.. షర్మిలపై జగ్గారెడ్డి సంచలన వ్యాఖ్యలు
