ప్రతి ఓటరు ఓటు హక్కును తప్పనిసరిగా వినియోగించుకోవాలి

దిశ, మెదక్ ప్రతినిధి: ఎన్నికల్లో ప్రతి ఒక్కరు తమ ఓటు హక్కును వినియోగించుకోవాలని మెదక్ జిల్లా అదనపు కలెక్టర్ రమేష్ పిలుపునిచ్చారు. వాక్ టు ద పోలింగ్ స్టేషన్" స్థానిక ప్రభుత్వ బాలుర జూనియర్ కళాశాల మెదక్ స్వీప్ ద్వారా ఓటరు అవగాహన కార్యక్రమం శుక్రవారం నిర్వహించారు. ముఖ్య అతిథిగా హాజరైన అదనపు కలెక్టర్ మాట్లాడుతూ రాబోయే లోక్ సభ ఎన్నికల్లో పోలింగ్ శాతం జిల్లా వ్యాప్తంగా పెంచడంలో భాగంగా రాష్ట్ర ప్రధాన ఎన్నికల అధికారి ఆదేశాల మేరకు స్వీప్ ఆధ్వర్యంలో "వాక్ టు ద పోలింగ్ స్టేషన్" నిర్వహిస్తున్నట్లు తెలిపారు.