బీఆర్ఎస్ అభ్యర్థి చింతా ప్రభాకర్ నామినేషన్

దిశ, సంగారెడ్డి: బీఆర్ఎస్ పార్టీ సంగారెడ్డి నియోజకవర్గ అభ్యర్థిగా చింతా ప్రభాకర్ నామినేషన్ వేశారు. గురువారం సంగారెడ్డిలోని ఆర్డీఓ కార్యాలయంలో చింతా ప్రభాకర్ ఒక సెట్ నామినేషన్ దాఖలు చేశారు. అదే విధంగా టీఎన్జీఓల సంఘం మాజీ రాష్ట్ర అధ్యక్షుడు మామిండ్ల రాజేందర్ చింతా ప్రభాకర్ తరఫున మరో సెట్ నామినేషన్ దాఖలు చేశారు. ఈ సందర్భంగా చింతా ప్రభాకర్ మాట్లాడుతూ... ముఖ్యమంత్రి కేసీఆర్ తీసుకువచ్చిన సంక్షేమ పథకాలు ప్రతి ఒక్కరికి అందాయన్నారు. బీఆర్ఎస్ ప్రభుత్వం తొమ్మిదిన్నర కాలంలో తీసుకువచ్చిన పథకాలు దేశానికి ఆదర్శంగా నిలిచియాన్నారు. పదవి ఉన్నా లేకున్నా సంగారెడ్డి ప్రజలకు ఎల్లప్పుడు అందుబాటులో ఉంటానని, సంగారెడ్డి ప్రజలు తనను ఎమ్మెల్యేగా దీవించాలని కోరారు. ఈ కార్యక్రమంలో డీసీసీబీ వైస్ చైర్మన్ పట్నం మాణిక్యం, సీడీసీ చైర్మన్ కాసాల బుచ్చిరెడ్డి, మున్సిపల్ చైర్ పర్సన్ బొంగుల విజయలక్ష్మీ తదితరులు పాల్గొన్నారు.