వచ్చే ఎన్నికల్లో బీజేపీ గెలుపు ఖాయం: కేంద్ర మంత్రి కిషన్ రెడ్డి

దిశ, జహీరాబాద్: తెలంగాణలో రానున్న ఎన్నికల్లో బీజేపీ గెలుపు ఖాయమని, కేంద్ర పర్యాటక శాఖ మంత్రి కిషన్ రెడ్డి ధీమా వ్యక్తం చేశారు. జహీరాబాద్ మీదుగా కర్ణాటకలోని బసవ కళ్యాణ్‌లో జరిగే కార్యక్రమానికి వెళుతున్న సందర్భంగా జహీరాబాద్ బీజేపీ నాయకులు సుధీర్ కుమార్ ఆధ్వర్యంలో మంత్రికి జాతీయ రహదారి 65 హుగ్గేల్లి చౌరస్తాలో ఘనంగా స్వాగతించి మంత్రిని సన్మానించారు. ఈ సందర్భంగా కిషన్ రెడ్డి మాట్లాడుతూ.. వచ్చే అసెంబ్లీ, పార్లమెంట్ ఎన్నికల్లో రాష్ట్రంతో పాటు జహీరాబాద్‌లో బీజేపీ జండా ఎగరడం ఖాయమన్నారు. కావున ప్రతి కార్యకర్త నూతనోత్తేజం తో బూతు స్థాయిలో కష్టపడి పార్టీని పటిష్టం చేయాలని ఈ సందర్భంగా మంత్రి సూచించారు. ఈ కార్యక్రమంలో జహీరాబాద్ నియోజకవర్గం బీజేపీ సీనియర్ నాయకులు, కార్యకర్తలు పాల్గొన్నారు.