పోలింగ్ కేంద్రాలను పరిశీలించిన అడిషనల్ డీసీపీ

దిశ, చేర్యాల: రాబోయే అసెంబ్లీ ఎన్నికల సందర్భంగా పోలింగ్ స్టేషన్‌ను గురువారం చిట్యాల గ్రామ పాఠశాలలోని పోలింగ్ కేంద్రాన్ని అడిషనల్ డీసీపీ మల్లారెడ్డి తో పాటు స్థానిక సర్కిల్ సీఐ సత్యనారాయణ రెడ్డి, ఎస్ఐ భాస్కర్ రెడ్డి సందర్శించారు. ఈ సందర్భంగా వారు పాఠశాలలోని కరెంటు, ఫర్నిచర్, నీటి వసతి, టాయిలెట్, వృద్ధుల, దివ్యాంగుల కొరకు ఏర్పాటు చేసిన ర్యాంపులను పరిశీలించారు. అలాగే స్థానిక చేర్యాల పోలీస్ స్టేషన్ ను సందర్శించి, పరిసరాలు పరిశీలించారు. అదే విధంగా ఫిర్యాదు చేసేందుకు వచ్చిన ప్రజలకు మౌలిక సౌకర్యాలు కల్పించాలని మల్లారెడ్డి అధికారులను ఆదేశించారు. రోడ్డు ప్రమాదాల నివారణపై ప్రత్యేక శ్రద్ధ పెట్టాలని, చోరీల నివారణకు నిఘా పెంచాలని సీఐ,ఎస్ఐలను ఆదేశించారు.