Fire accident : నార్సింగి రైస్ మిల్లులో ఘోర అగ్ని ప్రమాదం…

దిశ, చేగుంట : నార్సింగి మండల కేంద్రంలోని తిరుమల రైస్ మిల్లులో భారీ అగ్ని ప్రమాదం చోటుచేసుకుంది. గురువారం రాత్రి దీపావళి లక్ష్మీ పూజలు చేసి తిరుమల రైస్ మిల్ యజమాని ఎర్రం శ్రవణ్ కుమార్ ఇంటికి వెళ్లిపోయారు. శుక్రవారం ఉదయం ఒక్కసారిగా రైస్ మిల్ ఆవరణలో మంటలు చెలరేగగా భారీ సంఖ్యలో నిల్వ ఉంచిన గన్ని బ్యాగులు పూర్తిగా తగలబడ్డాయి. రైస్ మిల్లు షార్ట్ సర్క్యూట్ కారణంగా మంటలు అంటుకున్నాయి. దీంతో వేల సంఖ్యలో గన్ని బ్యాగులు తగలబడి పూర్తిగా మంటలు వ్యాపించి ఆ ప్రాంతమంతా పొగలు అలుముకున్నాయి. రామాయంపేట అగ్నిమాపక సిబ్బంది మంటలను ఆర్పినప్పటికీ పూర్తిస్థాయిలో గన్ని బ్యాగులు తగలడంతో సుమారు రూ. 9 నుంచి 12 లక్షల ఆస్తి నష్టం వాటిల్లిందని యజమాని ఎర్రం శ్రవణ్ కుమార్ వాపోయాడు.