BREAKING: తెలంగాణలో భారీగా ఐపీఎస్‌ల బదిలీలు

దిశ, వెబ్‌డెస్క్: తెలంగాణలో అధికారుల బదిలీల పర్వం కొనసాగుతోంది. కాసేపటి క్రితమే 26 మంది ఐఏఎస్ అధికారులను బదిలీ చేసిన స్టేట్ గవర్నమెంట్.. తాజాగా భారీ స్థాయిలో ఐపీఎస్‌లను ట్రాన్స్‌ఫర్ చేసింది. మొత్తం 26 మంది ఐపీఎస్ అధికారులను ప్రభుత్వం ట్రాన్స్‌ఫర్ చేసింది. ఈ మేరకు సీఎస్ శాంతికుమారి ఉత్తర్వులు జారీ చేశారు. టెక్నికల్ సర్వీసెస్ అదనపు డీజీగా వి.వి శ్రీనివాస్ రావును నియమించారు. ఆయనకు టీఎస్ఎల్పీఆర్బీ బోర్డు చైర్మన్‌గా అదనపు బాధ్యతలు అప్పగించారు. సీఐడీ ఎస్పీగా రాజేంద్ర ప్రసాద్, నిర్మల్ ఎస్పీగా జానకీ, మేడ్చల్ డీసీపీగా నితికాపంత్, ములుగు ఎస్పీగా శబరీష్, సిద్దిపేట ఎస్పీగా బి. అనురాధ, ఎల్బీనగర్ డీసీపీగా ప్రవీణ్ కుమార్, మాదాపూర్ డీపీసీగా వినిత్‌, ఖమ్మం సీపీగా సునీల్ దత్‌ను నియమించారు.