కాలజ్ఞానం నిజమైంది... వేప చెట్టుకు పాలు

దిశ, ఊట్కూర్ : పోతులూరి వీరబ్రహ్మంగారు కాలజ్ఞానంలో చెప్పినట్టు వేపచెట్టుకు పాలుకారుతుంది. ఈ అరుదైన ఘటన నారాయణపేట జిల్లా ఊట్కూర్ మండలంలోని అవుసలోనిపల్లిలో చోటు చేసుకుంది. గ్రామ శివారులోని ఓ పొలం దగ్గర ఉన్న వేప చెట్టుకు పాలు కారుతుండడంతో దానిని చూసేందుకు ప్రజలు ఆసక్తి కనపరుస్తున్నారు.

అవుసలోనిపల్లి గ్రామానికి చెందిన ఓ బాలుడు తన పొలం వద్ద ఆవును కట్టేసేందుకు వెళ్లగా అక్కడే ఉన్న వేప చెట్టు కు తెల్లగా ద్రవం కారుతున్న విషయాన్ని గమనించి కుటుంబ సభ్యులకు తెలిపాడు. వారు వెళ్లి అక్కడ చూడగా వేప చెట్టుకు పాలు కారడంతో ఈ వింతను గ్రామస్తులకు తెలిపారు. దీంతో అక్కడికి గ్రామస్తులు చేరుకొని బ్రహ్మంగారు కాలజ్ఞానంలో తెలిపినట్టు ఈ సంఘటన ఉందని ప్రజలు దీనిని సోషల్ మీడియా వేదికగా వైరల్ చేశారు.