వంశీకృష్ణ గెలుపే ధ్యేయంగా నామినేషన్ కార్యక్రమానికి ఉప్పెనలా కదిలి వచ్చిన కాంగ్రెస్ సైన్యం

దిశ, అచ్చంపేట : అచ్చంపేట నియోజకవర్గంలో ఇక అద్దె బిడ్డ ఎమ్మెల్యే గువ్వల బాలరాజు పెత్తనం నా నల్లమల్ల ప్రాంత ప్రజలపై చెల్లిస్తానంటే చూస్తూ ఊరుకునేది లేదని, నా జీవితం నా నల్లమల్ల ముద్దుబిడ్డలకు అంకితం అని అచ్చంపేట కాంగ్రెస్ పార్టీ అభ్యర్థి డీసీసీ అధ్యక్షులు మాజీ ఎమ్మెల్యే డాక్టర్ వంశీకృష్ణ అన్నారు. నామినేషన్ సందర్భంగా పట్టణంలో కొనసాగిన బలప్రదర్శన ర్యాలీలో ఆయన ఉద్వేగంగా ప్రసంగించారు. ఇక కాంగ్రెస్ సునామిని ఆపేదెవడు!. నిలువరించేది ఎవరు, అచ్చంపేటలో వంశీకృష్ణ ఘన విజయం సాధించి తీరుతారని పట్టణ ప్రజలు సిద్ధమయ్యారని ఆయన పేర్కొన్నారు.

దొంగా గువ్వలకు పరాజయం తప్పదని ముక్తకంఠంతో అచ్చంపేట మెజారిటీ ఓటర్లు ఏకమయ్యారని ఆయన ధీమా వ్యక్తం చేశారు. అంతకుముందు పీసీసీ ఉపాధ్యక్షుడు తో కలిసి ఉమామహేశ్వరంలో ప్రత్యేక పూజలు చేశారు. ఆయన ఆధ్వర్యంలో బీఆర్ఎస్ పార్టీ సీనియర్ నాయకుడు బిసమల్ల ఆనంద్ కాంగ్రెస్ పార్టీలో చేరారు. బాల ప్రదర్శన ర్యాలీ కంటే ముందు డాక్టర్ వంశీకృష్ణ మూడు సెట్లను నామినేషన్ దాఖలు చేశారు. ఈ కార్యక్రమానికి అచ్చంపేట నలుమూలల నుండి కార్యకర్తలు పెద్ద ఎత్తున తరలి రావడంతో అచ్చంపేట పట్టణం కాంగ్రెస్ సైన్యంతో జనసంద్రంగా మారింది.