ఎమ్మెల్యే క్యాంప్ ఆఫీస్ ముట్టడి ఉద్రిక్తం..

దిశ, నాగర్ కర్నూల్ ప్రతినిధి: ప్రశ్నాపత్రాల లీకేజీ వ్యవహారంలో ఎమ్మెల్యేల తీరుకు నిరసనగా సోమవారం యూత్ కాంగ్రెస్ చేపట్టిన ఎమ్మెల్యేల క్యాంప్ కార్యాలయాల ముట్టడి ఉద్రిక్తతకు దారితీసింది. నాగర్ కర్నూల్ ఎమ్మెల్యే క్యాంపు కార్యాలయం ఎదుట నిరసన చేపడుతున్న యూత్ కాంగ్రెస్ నాయకులను పోలీసులు ఈడ్చుకెళ్లారు. దీంతో కొద్దిసేపు ఉద్రిక్తత చోటు చేసుకుంది.

అనంతరం తెలకపల్లి పోలీస్ స్టేషన్ కు తరలించారు. యూత్ కాంగ్రెస్ జిల్లా వర్కింగ్ ప్రెసిడెంట్ కొడిదెల రామును ఇంట్లోనే హౌస్ అరెస్ట్ చేశారు. అనంతరం బిజినపల్లి పోలీస్ స్టేషన్ కు తరలించారు. యూత్ కాంగ్రెస్ జనరల్ సెక్రెటరీ మిద్దె మల్లేష్, కాంగ్రెస్ సోషల్ మీడియా రాష్ట్ర కార్యదర్శి, మద్దెల చంటి, రాము, బాలరాజ్, సంపత్ కుమార్ తదితరులు పాల్గొన్నారు.