వరి ధాన్యం కొనుగోలులో మ్యాచర్ శాతం 17% నిర్వహించాలి: మంత్రి జూపల్లి

దిశ,పెంట్లవెల్లి : వరి ధాన్యం కొనుగోలు కేంద్రాల్లో అవకతవకలు జరగకుండా మ్యాచర్ 17 శాతం నిర్వహించాలని మంత్రి జూపల్లి కృష్ణారావు అధికారులను ఆదేశించారు, బుధవారం పెంట్లవెల్లి మండల కొండూరు గ్రామంలో వరి ధాన్యం కొనుగోలు కేంద్రాన్ని ప్రారంభించారు. మ్యాచర్ శాతం 17 నిర్వహించాల్సి ఉండగా, గత పోయిన సంవత్సరం నుంచి 14% నిర్వహిస్తున్నారని ప్రజలు మంత్రికి మొరపెట్టుకున్నారు. ఈ సందర్భంగా మంత్రి మాట్లాడుతూ,మళ్లీ ఇటువంటి సంఘటనలు జరగకుండా అధికారులు చర్యలు చూసుకోవాలని అధికారులను ఆదేశించారు. ఈ కార్యక్రమంలో కాంగ్రెస్ పార్టీ నాయకులు, ఐకేపీ సీసీ శోభారాణి, వసంత మహిళా సంఘం నాయకురాలు తదితరులు పాల్గొన్నారు.