ఇందిరమ్మ రాజ్యంలో సమస్యలు మాయం : మాజీ మంత్రి చిన్నారెడ్డి

దిశ, గోపాలపేట : ఇందిరమ్మ రాజ్యంలోనే సమస్యలన్నీ మాయమవుతాయని వనపర్తి మాజీమంత్రి చిన్నారెడ్డి అన్నారు. శుక్రవారం గోపాల్ పేట మండలంలోని ఏదుట్ల చెన్నూరు చెన్నారం తండాలతో పాటు పలుగ్రామాల్లో జోడో యాత్రలో భాగంగా ఇంటింటికీ తిరిగి కాంగ్రెస్ పార్టీ ప్రచారం చేశారు. ఈ సందర్భంగా మాట్లాడుతూ కాంగ్రెస్ హయాంలో అట్టడుగు బడుగు బలహీన వర్గాలకు చెందిన వారిని ముందుకు తీసుకొచ్చింది కాంగ్రెస్ పార్టీనే అన్నారు. ఏడేళ్ల పాలనలోనే బీఆర్ఎస్ పార్టీ ప్రజలను మోసం చేస్తూ ఇచ్చిన హామీలు ఏ ఒక్కటి నెరవేర్చకుండా వారి పబ్బం గడుపుకుంటున్నారని తెలిపారు.

మాజీ మంత్రి చిన్నారెడ్డి పాదయాత్రలో కాంగ్రెస్ పార్టీని బలోపేతం చేసేందుకు అంతిమలక్ష్యంగా ఎర్రటిఎండలో గడపగడపకు వెళ్లి పార్టీ పథకాల గురించి వినిపించడం పలువురితో ఆశ్చర్యం వ్యక్తం చేసింది. ఏ గడప చూసినా తప్పక కాంగ్రెస్ పార్టీకి పట్టం కడతామని చెప్పడంతో మాజీ మంత్రితో పాటు పార్టీ నాయకులు సంతోషం వ్యక్తం చేశారు. ఈ క్రమంలో కాంగ్రెస్ పార్టీ మండల అధ్యక్షులు గుండ్రాతి గణేష్ గౌడ్ వాడల పర్వతాలు యూత్ కాంగ్రెస్ మండల అధ్యక్షులు మధు, ఉపాధ్యక్షులు ప్రేమ్ కుమార్, జిల్లా ఎస్సీ సెల్ అధ్యక్షులు కుంకి వెంకటేష్, నాయకులు ప్రవీణ్ కుమార్, సుధాకర్ రావు, వెంకటయ్య, శివన్న తదితరులు పాల్గొన్నారు.