ప్రతి ఒక్కరూ సేవాభావాన్ని అలవర్చుకోవాలి...
దిశ, ప్రతినిధి నారాయణపేట : ప్రతి ఒక్కరూ సేవాభావాన్ని అలవర్చుకొని సమాజానికి తమ వంతు సేవలను అందించాలని మున్సిపల్ చైర్ పర్సన్ గందే అనసూయ, మార్కెట్ కమిటీ చైర్ పర్సన్ మోసటి జ్యోతి రాజు అన్నారు. శుక్రవారం నారాయణపేట జిల్లా కేంద్రంలోని పాత బస్టాండ్ వద్ద అఖిల భారత అయ్యప్ప దీక్షా ప్రచార సమితి, కాకర్ల సురేష్ వెల్ఫేర్ ట్రస్ట్ ఆధ్వర్యంలో ఏర్పాటుచేసిన చలివేంద్రాన్ని వెల్ఫేర్ ట్రస్ట్ నిర్వాహకులు కాకర్ల భీమయ్యతో కలిసి ముఖ్యఅతిథులు రిబ్బన్ కట్ చేసి ప్రారంభించారు.
ఈ సందర్భంగా వారు మాట్లాడుతూ వేసవికాలంలో వడదెబ్బకు గురి కాకుండా అలాగే బాటసారిల దారి కోసం చలివేంద్రం ఏర్పాటు చేయడం అభినందనీయమని పేర్కొన్నారు. ఇలాంటి సేవా కార్యక్రమాలను రాబోయే రోజుల్లో మరింత పెంచాలని కోరారు. కార్యక్రమంలో చింత వెంకటయ్య, బీఆర్ఎస్ పట్టణ అధ్యక్షుడు విజయ్ సాగర్, జొన్నల సుభాష్, కోనంగేరి హనుమంతు, అప్పి, గందే సుమిత్ తదితరులు పాల్గొన్నారు.
