‘దిశ’ ఎఫెక్ట్..ఉపాధి హామీ నిధులు పక్కదారిపై ఎంక్వయిరీ కి కలెక్టర్ ఆదేశం

దిశ, నారాయణపేట క్రైమ్: మరికల్ మండలం కన్మనూర్ గ్రామపంచాయతీ తో పాటు సుమారు 17 గ్రామాలలో ఉపాధి హామీ పనుల నిధులు సుమారు రూ. 2 కోట్ల 70 లక్షలు పక్కదారి పట్టాయి. ఈ విషయంపై దిశలో ఈ నెల 13 న ఉపాధి హామీ నిధులు మాయం అనే కథనానికి జిల్లా కలెక్టర్ స్పందించారు. తక్షణమే ప్రత్యేక బృందం చే విచారణ చేయించి నివేదికలు సమర్పించాలని డిఆర్డిఏ పిడి తో పాటు సంబంధిత అధికారులకు ఆదేశాలు జారీ చేశారు. జిల్లాలోని ఓ మండల ఎంపీడీవోను ప్రత్యేక అధికారిగా నియమించడం తో పాటు విచారణకు ఇద్దరు సహాయ అధికారులను కూడా నియమించారు. పూర్తిస్థాయి విచారణ అనంతరం నిజనిర్ధారణ తర్వాత తదుపరి చర్యలు తీసుకునే అవకాశం ఉంది.