ప్రజలకు అందుబాటులో ఉంటాం
దిశ,సత్తుపల్లి : స్థానికంగా ఉంటూ అన్ని వర్గాల ప్రజలకు నిత్యం అందుబాటులో ఉంటామని సత్తుపల్లి ఎమ్మెల్యే డాక్టర్ మట్టా రాగమయి దయానంద్ అన్నారు. పెనుబల్లి గౌడ సంఘం ఆధ్వర్యంలో ఏర్పాటు చేసిన సర్దార్ సర్వాయి పాపన్న గౌడ్ విగ్రహాన్ని ఆదివారం ఎమ్మెల్యే చేతుల మీదుగా ఆవిష్కరించారు. ఈ సందర్భంగా ఆమె మాట్లాడుతూ సత్తుపల్లి నియోజకవర్గం అభివృద్ధికి అన్ని వర్గాల ప్రజలతో మమేకమై పనిచేస్తామని అన్నారు. ఈ సందర్భంగా సర్దార్ సర్వాయి పాపన్న గౌడ్ జీవిత చరిత్రను గౌడ కులస్తులకు వివరించారు.
అనంతరం సత్తుపల్లి మండలం కిష్టారం గ్రామం సత్తమ్మ గుడి సమీపంలో సత్తుపల్లి మండల అఖిల గౌడ్ల సంఘం, సత్తుపల్లి టౌన్ బంజారా సంఘం ఆధ్వర్యంలో నిర్వహించిన కార్తీక మాస వనభోజనాలకు హాజరై బంజారా సంఘం మహిళలతో కలిసి పాటలకు స్టెప్పులు వేశారు. అనంతరం ఎమ్మెల్యే దంపతులను శాలువాతో ఘనంగా సన్మానించి జ్ఞాపికలు అందజేశారు. ఈ కార్యక్రమంలో పెనుబల్లి మండలం గౌడ సంఘం నాయకులు, కాంగ్రెస్ పార్టీ నాయకులు, కార్యకర్తలు, సత్తుపల్లి మండలం వివిధ కుల సంఘాల నాయకులు, కాంగ్రెస్ పార్టీ కార్యకర్తలు పాల్గొన్నారు.
