గంజాయి సిగరెట్లు పట్టివేత

దిశ,మణుగూరు : గంజాయి సిగరెట్లను పోలీసులు ఆదివారం పట్టుకున్నారు. సీఐ రమాకాంత్ తెలిపిన వివరణ ప్రకారం ఎస్సైలు రాజేష్, శ్రీనివాస్ స్పెషల్ డ్రైవ్ లో సిబ్బందితో కలిసి పెట్రోలింగ్ చేస్తుండగా రాజుపేట గ్రామం శివారులో గల శ్మశాన వాటికలో ముగ్గురు వ్యక్తులు అనుమానాస్పదంగా కనిపించడంతో వారి ద్విచక్ర వాహనాన్ని తనిఖీ చేయగా వారి వద్ద 50 గ్రాముల గంజాయి, గంజాయి సిగరెట్ ప్యాకెట్లను స్వాధీనం చేసుకున్నారు. వారిని విచారించగా అశ్వాపురం మండలంలో

కూరగాయలు అమ్మే ఓ మహిళ వద్ద గంజాయిని కొనుగోలు చేశామని, గతంలో కూడా ఆమె దగ్గర కొన్నామని వారు తెలిపారు. నింధితుల సమాచారం మేరకు అశ్వాపురం వెళ్లి అక్కడ తనిఖీ చేశామని పోలీసులు తెలిపారు. అక్కడ కూడా ఇద్దరు వ్యక్తుల దగ్గర గంజాయి దొరికిందని వారిని కూడా పోలీస్ స్టేషన్ కి తరలించామన్నారు. ఇందులో ముగ్గురు పురుషులు,ఇద్దరు మహిళలు ఉన్నారని సీఐ రమాకాంత్ తెలిపారు. వెంటనే వీరిపై కేసు నమోదు చేసి జ్యూడీషియల్ రిమాండ్ కు పంపించడం జరిగిందని ఆయన తెలిపారు.