మైనర్ బాలికను మోసం చేసిన యువకుడిపై పోక్సో కేసు నమోదు

దిశ, కామారెడ్డి : మైనర్ బాలికను పెళ్లి చేసుకుంటానని నమ్మించి శారీరకంగా వాడుకుని మోసం చేసిన ఓ యువకునిపై పోలీసులు ఫోక్సో కేసు నమోదు చేశారు. రామారెడ్డి ఎస్సై నరేష్ కథనం మేరకు వివరాలు ఇలా ఉన్నాయి. మండల కేంద్రానికి చెందిన మర్కంటి రాజ్ కుమార్ అనే యువకుడు అదే గ్రామానికి చెందిన మైనర్ బాలికను సంవత్సర కాలంగా ప్రేమిస్తున్నానని, పెళ్లి చేసుకుంటానని నమ్మించి శారీరకంగా వాడుకున్నాడు. తీరా ఇప్పుడు తనకు సంబంధం లేదని, పెళ్లి చేసుకోనని చెప్పడంతో తనను మోసగించాడని బాలిక ఫిర్యాదు మేరకు బుధవారం రాత్రి రాజ్ కుమార్ పై ఫోక్సో కేసు నమోదు చేసినట్లు ఎస్సై నరేష్ తెలిపారు. కామారెడ్డి రూరల్ సీఐ రమణ కేసు దర్యాప్తు చేస్తున్నట్లు తెలిపారు.