పవన్ కళ్యాణ్ కటౌట్‌కి రాఖీ.. జనసేన మహిళా నాయకురాలి అభిమానం

దిశ, అశ్వారావుపేట: గత అసెంబ్లీ ఎన్నికల్లో అశ్వారావుపేట జనసేన పార్టీ ఎమ్మెల్యే అభ్యర్థినిగా పోటీ చేసిన ముయ్యబోయిన ఉమాదేవి రాఖీ పండుగ సందర్భంగా ఏపీ డిప్యూటీ సీఎం జనసేన పార్టీ అధ్యక్షుడు పవన్ కళ్యాణ్ పై తన అభిమానాన్ని చాటుకున్నారు. ప్రత్యేకంగా తయారు చేయించిన మూడు అడుగుల పవన్ కళ్యాణ్ కటౌట్ కు ముయ్యబోయిన ఉమాదేవి అశ్వారావుపేట మండల కేంద్రంలోని వారి నివాసంలో సంప్రదాయ రీతిలో హారతినిచ్చి రాఖీ కట్టారు. మారుమూల గిరిజన గ్రామంలో పుట్టిన ఆదివాసీ మహిళ నైనా నన్ను గుర్తించి ఎమ్మెల్యే అభ్యర్థిగా అవకాశం ఇచ్చిన పవన్ కళ్యాణ్ కు జీవితాంతం రుణపడి ఉంటానని,సొంత అన్న గా భావించి ఈ విధంగా ఆయన కటౌట్ కి రాఖీ కట్టి తృప్తి పడుతున్నట్లు ఆమె తెలిపారు.