మందు బాబుల వీరంగం.. ఐదుగురి పై కేసు నమోదు
దిశ, కారేపల్లి : కారేపల్లిలో మందుబాబులు నడిరోడ్డుపై మంగళవారం వీరంగం సృష్టించారు. అంబేద్కర్‌ సెంటర్‌ వద్ద కారేపల్లి ఎస్సై పుష్పాల రామారావు ఆధ్వర్యంలో పోలీసులు మంగళవారం డ్రంక్‌ అండ్‌ డ్రైవ్‌ పరీక్షలు నిర్వహిస్తున్నారు. యనలైజర్‌ ద్వారా పరీక్షలు చేస్తుండగా గిద్దవారిగూడెంకు చెందిన ఈసం కిషోర్‌, కల్తి వినోద్‌, వజ్జా అప్పారావు, పాయం వెంకటేశ్వర్లు అతిగా మద్యం సేవించి ద్విచక్రవాహనం పై అటుగా వస్తున్నారు. వారు నిలిపిన పోలీసులకు టెస్టుచేయటానికి ఉపక్రమించగా మద్యం మత్తులో ఉన్న యువకులు పోలీసులను దుర్బాషలాడుతూ కానిస్టేబుల్‌ సీతారాములు పై దాడికి పాల్పడ్డాడు.
హటాత్తు పరిణామం నుండి తేరుకున్న పోలీసులు, స్ధానికులు మత్తులో ఉన్నయువకులను వారించినా పెడచేవిన పెట్టటమే కాకా వారిపై దాడికి పూనుకున్నారు. దీంతో స్ధానికుల సాయంతో పోలీసులు వారిని కారేపల్లి పోలీస్‌ స్టేషన్‌కు తీసుకవచ్చారు. డ్రంక్‌ అండ్‌ డ్రైవ్‌ చేయటం, పోలీసుల విధులకు ఆటంకపర్చటం, పోలీసుల పై దాడులకు పాల్పడిన 5 గురిపై కేసునమోదు చేసినట్లు ఎస్సై పుష్పాల రామారావు తెలిపారు.
