గ్రామ అభివృద్ధికి ఎల్లప్పుడూ తోడ్పాటు : ఎమ్మెల్యే సండ్ర

దిశ, సత్తుపల్లి : గ్రామ అభివృద్ధికి ఎల్లప్పుడూ తోడ్పాటుగా నిలుస్తామని ఎమ్మెల్యే సండ్ర వెంకట వీరయ్య అన్నారు. సత్తుపల్లి మండలం రేజర్ల గ్రామంలో నూతనంగా 48.3 లక్షల రూపాయలతో మంజూరైన సీసీ రోడ్లకు, 25 లక్షల రూపాయలతో నిర్మిస్తున్న ఎస్సీ కమ్యూనిటీ హాల్ నిర్మాణ పనులకు ఎమ్మెల్యే సండ్ర వెంకట వీరయ్య శంకుస్థాపన చేశారు. అనంతరం సింగరేణి వారి సౌజన్యంతో గ్రామంలో ఏర్పాటు చేసిన మినరల్ వాటర్ ప్లాంట్లను రిబ్బన్ కట్ చేసి ప్రారంభించి, గ్రామంలో కోటి రూపాయలతో నిర్మాణం అవుతున్న

ఫంక్షన్ హాల్ పనుల పురోగతిని పరిశీలించారు. అనంతరం గ్రామానికి చెందిన గొర్ల వెంకట రెడ్డితో పాటు ఇటీవల చనిపోయిన 8 మంది మృతుల కుటుంబాలకు ఒక్కొక్కరికి 5000 చొప్పున ఎమ్మెల్యే సండ్ర చేతుల మీదుగా రూ.50 వేలను అందజేశారు. ఈ కార్యక్రమంలో జిల్లా గ్రంథాలయ చైర్మన్ కొత్తూరు ఉమామహేశ్వరరావు, ఆత్మ కమిటీ చైర్మన్ శీలపురెడ్డి హరికృష్ణ రెడ్డి, బీఆర్ఎస్ నాయకులు భీమిరెడ్డి గోపాల్ రెడ్డి, పాల వెంకటరెడ్డి, స్థానిక సర్పంచి కే ప్రభాకర్, సొసైటీ చైర్మన్ నరసింహారెడ్డి, స్థానిక ఎంపీడీవో సుభాషిని, ఎంపీపీ దొడ్డ శంకరరావు హైమావతి, బీఆర్ఎస్ నాయకులు గ్రామ ప్రజలు తదితరులు అధిక సంఖ్యలో పాల్గొన్నారు.