అదుపు తప్పి ఇంట్లోకి దూసుకెళ్లిన టిప్పర్ లారీ..

దిశ, బూర్గంపాడు : భద్రాద్రి కొత్తగూడెం జిల్లా బూర్గంపాడు మండలం మొరంపల్లి బంజర్ గ్రామంలో సోమవారం ఉదయం టిప్పర్ లారీ అదుపు తప్పి ఇంట్లోకి దూసుకు వెళ్లిన ఘటన చోటుచేసుకుంది. కాగా ఆ సమయంలో ఇంట్లో ఎవరు లేకపోవడంతో ఎటువంటి ప్రాణనష్టం జరగలేదు.ఈ ప్రమాదంలో లారీ డ్రైవరుకు తీవ్ర గాయాలయ్యాయి. స్థానికులు అతనిని స్థానిక పీహెచ్సీకి తరలించారు. సమాచారం అందుకున్న బూర్గంపాడు పోలీసులు ఘటన స్థలానికి చేరుకుని పూర్తివివరాలు సేకరిస్తున్నారు.