ఏసు అనుగ్రహం అందరిపై ఉండాలి

దిశ, గోదావరిఖని : మానవవాళికి ప్రేమ, శాంతిమార్గం చూపిన మహనీయుడు ఏసుక్రీస్తు అనుగ్రహం అందరిపై ఉండాలని రామగుండం ఎమ్మెల్యే రాజ్ ఠాకూర్ మక్కాన్సింగ్ అన్నారు. మంగళవారం గోదావరిఖని బృందావన్ గార్డెన్ లో తెలంగాణ రాష్ట్ర ప్రభుత్వం ఆధ్వర్యంలో క్రిస్మస్ వేడుకలు ఘనంగా నిర్వహించి మాట్లాడారు. క్రైస్తవ మత పెద్దలతో కలిసి ప్రత్యేక ప్రార్థనలు చేశారు. కేక్ కట్ చేసి క్రైస్తవులు అందరికీ శుభాకాంక్షలు తెలిపారు.

సోదర భావంతో మతాలకు అతీతంగా అందరం కలిసిమెలిసి ఉండాలని కోరారు. ఈ కార్యక్రమంలో రామగుండం ఎమ్మార్వో కుమారస్వామి, సంబంధిత అధికారులు, కాంగ్రెస్ పార్టీ సీనియర్ నాయకులు, కార్పొరేటర్లు, మాజీ కార్పొరేటర్లు, వివిధ విభాగాల అధ్యక్షులు తదితరులు పాల్గొన్నారు.