శ్రీపాద ఆశయాల సాధన కోసమే రాజకీయాల్లోకి వచ్చా : మంథని ఎమ్మెల్యే శ్రీధర్ బాబు
దిశ, మంథని : నా తండ్రి దివంగత ఉమ్మడి ఆంధ్రప్రదేశ్ మాజీ శాసనసభ స్పీకర్ దుద్దిల్లా శ్రీపాదరావు ఆశయ సాధన కోసమే రాజకీయాల్లోకి వచ్చానని మంథని ఎమ్మెల్యే శ్రీధర్ బాబు పేర్కొన్నారు. గురువారం మంథనిలో శ్రీపాదరావు 24 వ వర్ధంతి సందర్భంగా శ్రీపాద విగ్రహానికి ఎమ్మెల్యే శ్రీధర్ బాబు పూలమాలవేసి నివాళులర్పించారు. మంథని నియోజకవర్గ ప్రజలకు మా తండ్రి శ్రీపాదరావు ఆశయ సాధనలను కొనసాగించడానికి మా వంతు కృషి చేస్తున్నామని ఎమ్మెల్యే శ్రీధర్ అన్నారు.
నియోజకవర్గంలో శ్రీపాదరావు హయాంలో ఆయన చేసిన అభివృద్ధిని వివరించారు. మా నాన్నను మావోయిస్టులు హతమార్చినా వారిపై కక్ష సాధింపు చేయలేదన్నారు. మంథని నియోజకవర్గ అభివృద్ధికి మరో ప్రాణ త్యాగానికైనా సిద్ధమే కానీ వెనుకాడే ప్రసక్తే లేదన్నారు. నియోజకవర్గ అభివృద్ధి కోసం ప్రజల సంక్షేమం కోసం ఆర్నిశలు కృషి చేస్తానన్నారు. ఈ కార్యక్రమములో కాంగ్రెస్ నాయకులు శశిభూషణ్ కాచే తోట్ల తిరుపతి యాదవ్ సె గ్గం రాజేష్ ఇనుముల సతీష్ తదితరులు పాల్గొన్నారు.
