బైక్ పై వెళ్లి కల్యాణలక్ష్మి చెక్కులు పంపిణీ చేసిన ఎమ్మెల్యే

దిశ, జగిత్యాల టౌన్: జగిత్యాల ఎమ్మెల్యే డా.సంజయ్ కుమార్ మహిళా దినోత్సవం సందర్భంగా మహిళా బంధు కేసీఆర్ కార్యక్రమంలో భాగంగా టీఆర్ఎస్ పార్టీ వర్కింగ్ ప్రెసిడెంట్ మంత్రి కేటీఆర్ ఆదేశానుసారం జగిత్యాల పట్టణంలోని 23 వార్డు, అర్బన్ థరూర్ గ్రామంలో బైక్ పై లబ్ధిదారుల ఇంటింటికీ వెళ్లి కళ్యాణ లక్ష్మి చెక్కులు పంపిణీ చేశారు. లబ్ధిదారులు, పార్టీ కార్యకర్తలు ఆసక్తిగా తిలకించారు. 16 మంది లబ్ధిదారులకు రూ.1601856 విలువ గల చెక్కులు ఎమ్మెల్యే పంపిణీ చేశారు. లబ్ధిదారులకు చెక్కులను పంపిణీ అనంతరం లబ్ధిదారులతో సెల్ఫీలు దిగుతూ ప్రజల సమస్యలను నెరవేర్చడానికి తాము ఎప్పుడూ సిద్ధంగా ఉన్నానని లబ్దిదారులకు భరోసా కల్పించారు.