‘దిశ’ ఎఫెక్ట్.. ఆర్టీసీ బస్టాండ్ లో పారిశుద్ధ్యం తొలగించిన అధికారులు..
దిశ, హుజురాబాద్ రూరల్: హుజురాబాద్ ఆర్టీసీ బస్టాండ్ లో పారిశుద్ధ్యం పై అధికారులు చర్యలు తీసుకున్నారు. "కంపు కంపు" "హుజురాబాద్ బస్టాండ్ లో లోపించినపారిశుద్ధ్యం" అనే శీర్షికన దిశ పత్రికలో గత రెండు రోజుల క్రితం ప్రచురితమైంది. దీనికి స్పందించిన మున్సిపల్, ఆర్టీసీ అధికారులు బస్టాండ్ లో పేరుకుపోయిన చెత్తాచెదారాన్ని ఆర్టీసీ పారిశుద్ధ కార్మికులు, మున్సిపల్ పారిశుద్ధ్య కార్మికులచే క్లీన్ అండ్ గ్రీన్ గా చేయించారు. బస్టాండ్ లోని ఈ టాయిలెట్స్ వద్ద, బస్టాండ్ ముందు, అంబేద్కర్ భవన్ స్థలంలో చెత్తను తొలగించారు. అలాగే అంబేద్కర్ భవన స్థలంలో చెత్తా చెదారం వేయకుండా మల ,మూత్రాలు విసర్జించకుండా అడ్డుగా గ్రీన్ నెట్ ను ఏర్పాటు చేశారు. దీనిపై ప్రయాణికులు ఆర్టీసీ బస్టాండ్ లో పేరుకుపోయిన పారిశుద్ధ్యం పై కథనం ప్రచురించిన దిశ పత్రికకు, దీనికి స్పందించిన ఆర్టీసీ, మున్సిపల్ అధికారులకు కృతజ్ఞతలు తెలిపారు.
