స్వామివారి కళ్యాణానికి రండి..వినూత్న పద్ధతిలో ఆలయ కమిటీ పిలుపు.
దిశ, ఎల్లారెడ్డిపేట: ఎల్లారెడ్డిపేట మండల కేంద్రంలో ఈ నెల 10 నుండి 15 వ తేదీ వరకు శ్రీ రుక్మిణి సత్యభామ సమేత వేణు గోపాలస్వామి బ్రహ్మోత్సవాలు జరగనున్నాయి. ఆలయ కమిటీ సభ్యులు ఇంటింటా ఆహ్వాన పత్రికలు అందజేస్తున్నారు.ఈ నెల 13న బుధవారం రోజున ఎడ్ల అంగడి బజార్ లో స్వామి వారి కళ్యాణం,ఈ నెల 15న శుక్రవారం రోజున ఉదయం గరుడ సేవ, రాత్రి స్వామి వారి కళ్యాణం జరుగుతుందని ఆలయ కమిటీ నిర్వాహకులు తెలిపారు.కళ్యాణం కు రావలసిందిగా బీసీ సంక్షేమ శాఖ, రాష్ట్ర రోడ్డు రవాణా శాఖ మంత్రి పొన్నం ప్రభాకర్ గౌడ్ కు ప్రభుత్వ విప్ ఆది శ్రీనివాస్ కు అదే విధంగా మండల కేంద్రంతో పాటు మండలంలో గల వివిధ రాజకీయ పార్టీల నాయకులకు ప్రజాప్రతినిధులకు ఆహ్వాన పత్రికలు అందజేస్తున్నారు.స్వామి వారి కళ్యాణం కు వస్తున్న భక్తులకు అశ్విని హాస్పిటల్ వైద్యులు గోవర్దనం సత్యనారాయణ స్వామి - వసంత,శ్రీమతి గోవర్దనం అభినయ్ - సింధూజ దంపతులు అన్నదానం చేయనున్నారని ఆలయ కమిటీ సభ్యులు తెలిపారు.ఈ కార్యక్రమానికి భక్తులు అధిక సంఖ్యలో పాల్గొని విజయవంతం చేయాలని కోరారు.
