కాంగ్రెస్ లో చేరిన బీఆర్ఎస్ వైస్ఎంపీపీ
దిశ, మానకొండూరు : కరీంనగర్ జిల్లా మానకొండూరు మండలంలో పలువురు నాయకులు కాంగ్రెస్ పార్టీలోకి చేరారు. కరీంనగర్ జిల్లా మానకొండూరు మండలం పచ్చునూర్ బీఆర్ఎస్ ఎంపీటీసీ, మానకొండూరు మండల వైస్ ఎంపీపీ గోపు మధుసూదన్ రెడ్డి, రంగపేట ఉపసర్పంచ్ చెరుకు మల్లారెడ్డి, వార్డు సభ్యులు గోపు శ్రీనివాస్ రెడ్డి, కరీంనగర్ జిల్లా కాంగ్రెస్ కమిటీ అధ్యక్షులు & మానకొండూర్ నియోజకవర్గ కాంగ్రెస్ పార్టీ అభ్యర్థి డా.కవ్వంపల్లి సత్యనారాయణ సమక్షంలో కాంగ్రెస్ పార్టీలోకి చేరారు.
అధికార పార్టీ ప్రజాప్రతినిధులు, నాయకులు పార్టీ వీడేందుకు సిద్ధంగా ఉన్నట్టు సమాచారం తెలవగా హుటాహుటిగా పార్టీ నాయకులు నేరుగా వారి నివాసాలకు వెళ్లి బుజ్జగింపు ప్రయత్నం చేసినా ఏం ప్రతిఫలం కనపడలేదని పలువురు అంటున్నారు. ఇటీవల కాంగ్రెస్ గూటిలోకి బీఆర్ఎస్ మానకొండూరు ఎంపీపీ ముద్దసాని సులోచన శ్రీనివాస్ రెడ్డి చేరగా అదేబాటలో గురువారం వైస్ ఎంపీపీ గోపు మధుసూధన్ రెడ్డి చేరడం బీఆర్ఎస్ కి మరో సారి షాక్ తగిలింది. మరికొంత మంది బీఆర్ఎస్ నాయకులు ప్రజాప్రతినిధులు చేరే అవకాశం ఉందని విశ్లేషకులు అంటున్నారు.
