మందుబాబులకు నిలయంగా అంగన్వాడీ కేంద్రం

దిశ,రామడుగు : రాత్రి వేళల్లో మద్యం సేవకులకు అంగన్వాడి కేంద్రాలే నిలయాలుగా మారాయి. దీంతో ఇబ్బందులు ఎదురవుతున్నాయని అంగన్వాడి టీచర్లు ఆవేదన వ్యక్తం చేస్తున్న ఘటన. ఈ సందర్భంగా రామడుగు మండల కేంద్రంలోని అంగన్వాడి కేంద్రం 3 లో మందుబాబులు మద్యం సేవించిన మద్యం బాటిళ్లు అంగన్వాడి కేంద్రం ఆవరణలో విచ్చలవిడిగా దర్శనమిస్తున్నాయని వాపోయారు. అంగన్వాడి కేంద్రం సిబ్బంది వచ్చి పాఠశాల తెరిచి చూసేసరికి మద్యం బాటిళ్లు ఉన్నాయని సిబ్బంది తెలిపారు. దీంతో చిన్నారులు తీవ్ర ఇబ్బందులు ఎదుర్కొంటున్నారని తెలిపారు.. ఈ విషయంపై పాఠశాలలు అంగన్వాడి కేంద్రాలు ప్రభుత్వ కార్యాలయాల ప్రదేశాలలో పోలీసులు పర్యవేక్షణ చేసి మద్యం బాబుల ఆగడాలను కట్టడి చేయాల్సిన అవసరం ఎంతైనా ఉందని మండల ప్రజలు కోరుతున్నారు..

బహిరంగ ప్రదేశాల్లో మద్యం సేవిస్తే కఠిన చర్యలు : రామడుగు ఎస్సై ఎం సురేందర్

మండలంలోని వివిధ గ్రామాల్లో మందుబాబులు బహిరంగ ప్రదేశాలలో మద్యం సేవించి పట్టుబడితే చట్టపరమైన చర్యలు చేపడతామని హెచ్చరించారు.