శంకరపట్నంలో 81.53 శాతం పోలింగ్..
దిశ, శంకరపట్నం : కరీంనగర్ జిల్లా, మానకొండూర్ నియోజకవర్గం, శంకరపట్నం మండలంలో తెలంగాణ శాసనసభకు నవంబర్ 30న జరిగిన ఎన్నికల్లో శంకరపట్నం మండలంలో ఓటర్లు 81.53 శాతం ఓటు హక్కును వినియోగించుకున్నారు. మండల పరిధిలో 24 గ్రామపంచాయతీలు ఉండగా మ 37,216 మొత్తం ఓట్లు ఉన్నాయి. పురుషులు 18, 505, మహిళలు 18,711 ఉన్నారు. అన్ని గ్రామాల్లో శాసనసభ ఎన్నికలకు ఎన్నికల కమిషన్ ఉత్తర్వుల మేరకు నవంబర్ 30న 7 గంటల నుండి సాయంత్రం ఐదు గంటల వరకు పోలింగ్ నిర్వహించారు.
మండల ప్రజలు ఓటు హక్కును వినియోగించుకున్నారు. ఎలాంటి అవాంఛనీయ సంఘటనలు జరగకుండా ముందస్తుగా హుజురాబాద్ రూరల్ సీఐ బూర్గుల సంతోష్ కుమార్ కేశవపట్నం ఎస్సై పాకాల లక్ష్మారెడ్డి ఆధ్వర్యంలో బీఎస్ఎఫ్ సెంట్రల్ సెక్యూరిటీ ఫోర్స్ జిల్లా స్పెషల్ సెక్యూరిటీ ఫోర్స్ ఇతర రాష్ట్రం నుండి జిల్లాల పోలీసులతో భారీ బందోబస్తును ఏర్పాటు చేశారు. ప్రశాంతంగా ఎన్నికలు శాసనసభ ముగిశాయి.
