KCR లాగు విడిపించి దర్శనం చేసుకుంటావారా.. CM రేవంత్ రెడ్డిపై జగదీష్ రెడ్డి అభ్యంతరకర వ్యాఖ్యలు (వీడియో)
దిశ, వెబ్‌డెస్క్: మాజీ మంత్రి, సూర్యాపేట ఎమ్మెల్యే జగదీష్ రెడ్డి సీఎం రేవంత్ రెడ్డిపై సంచలన వ్యాఖ్యలు చేశారు. నల్లగొండలో జరిగిన ఓ కార్యక్రమంలో జగదీష్ రెడ్డి మాట్లాడారు. ముఖ్యమంత్రి లాగు విడిపిస్తా అంటున్నాడని.. ఏం చూస్తావ్.. కేసీఆర్ లాగు విడిపించి దర్శనం చేసుకుంటావారా అని తీవ్ర అభ్యంతరకర వ్యాఖ్యలు చేశారు. రైతులకు నీళ్లు, డబ్బులు ఇవ్వాలని డిమాండ్ చేస్తే లాగు విడిపిస్తా అంటావా అని మండిపడ్డారు. సీఎం రేవంత్ ను చూసి మరో నేత సైతం తిట్టేందుకు పోటీ పడుతున్నారని పరోక్షంగా కోమటిరెడ్డిని ఉద్దేశించి అన్నారు. కేసీఆర్‌ను వంద మీటర్ల లోతులో బొంద పెడతామంటున్నారని.. వారినే ప్రజలు వంద మీటర్ల లోతులో బొంద పెడతారని వార్నింగ్ ఇచ్చారు. వంద రోజులైన పరిపాలించడం తెలియని కాంగ్రెస్ నేతలే రండలు అని ఫైర్ అయ్యారు. కేసీఆర్ చెప్పిందే చేశారని.. చేసిందే చెప్పారన్నారు. కాంగ్రెస్ నేతల్లా నోటికి ఏది వస్తే ఆ హామీ ఇవ్వలేదన్నారు.
