బిగ్ బ్రేకింగ్.. హైదరాబాద్ క్రికెట్ అసోసియేషన్ అధ్యక్షుడిగా జగన్మోహన్ రావు
దిశ, ఉప్పల్: ఉప్పల్ వేదికగా హైదరాబాద్ క్రికెట్ అసోసియేషన్ ఎన్నికలు ఉదయం 10గంటల నుంచి మధ్యాహ్నం 3గంటల వరకు ప్రశాంతంగా జరిగాయి. మెత్తం 173 ఓట్లు ఉండగా.. అందులో 169 మంది మాత్రమే ఓట్లను వినియోగించుకున్నారు. పటిష్టమైన బందోబస్త్ మధ్య పోలింగ్, కౌంటింగ్ నిర్వహించారు. రాత్రి 7 గంటల 30 నిమిషాలకు ఫలితాలు విడుదలయ్యాయి. యూనైటెడ్ మెంబెర్స్ ప్యానెల్ పేరుతో బరిలో దిగిన జగన్మోహనరావు నూతన ప్రెసిడెంట్‌గా గెలుపొందాడు. గుడ్ గవర్నెన్స్ ప్యానెల్ తరపున బరిలో దిగిన దల్జిత్ సింగ్ వైస్ ప్రెసిడెంట్‌గా గెలుపొందాడు. క్రికెట్ ఫస్ట్ ప్యానెల్ నుంచి పోటీలో ఉన్న దేవరాజు సెక్రటరీగా గెలిచాడు. జాయింట్ సెక్రటరీగా బసవరాజు, ట్రెజరర్‌గా సిజె శ్రీనివాస్ రావు, కౌన్సిలర్‌గా సునీల్ అగర్వాల్ గెలుపొందాడు.
HCA నూతన ప్రెసిడెంట్ జగన్మోహన్ రావు మాట్లాడుతూ.. 15 రోజులు నుండి తన కోసం అహర్నిశలు కష్టపడి తనతో ఉండి గెలుపుకు కారణమైన ప్యానెల్ ప్రతిఒక్కరికి ఈ విజయాన్ని అంకితం చేస్తున్నట్లు చెప్పారు. మంత్రి కేటీర్, హరీష్ రావు, ఎమ్మెల్సీ కవితకు ప్రత్యేక ధన్యవాదాలు తెలిపారు. రెండు మూడు రోజుల్లో విలేకరుల సమావేశం పెట్టి పూర్తి వివరాలు వెల్లడిస్తానన్నారు.
