ఉప్పల్ రేపు IPL మ్యాచ్.. క్రికెట్ ప్రియులకు TSRTC ఎండీ సజ్జనార్ గుడ్ న్యూస్

దిశ, వెబ్‌డెస్క్: ఐపీఎల్ 2024లో భాగంగా బుధవారం సన్ రైజర్స్ హైదరాబాద్-ముంబై ఇండియన్స్ జట్లు తలపడనున్నాయి. హైదరాబాద్‌లోని ఉప్పల్ స్టేడియం వేదికగా ఈ మ్యాచ్ జరగనుంది. హైదరాబాద్ సొంతగడ్డపై తొలి మ్యాచ్ కావడంతో ఎస్ఆర్‌హెచ్ అభిమానులు ఈ మ్యాచ్ కోసం ఎంతో ఉత్కంఠగా ఎదురు చూస్తున్నారు. ఈ క్రమంలో క్రికెట్ ప్రియులకు టీఎస్‌ఆర్టీసీ ఎండీ సజ్జనార్ గుడ్ న్యూస్ చెప్పారు. ఉప్పల్ స్టేడియంలో మ్యాచ్ నేపథ్యంలో నగరంలోని పలు ప్రాంతాల నుండి స్టేడియానికి ప్రత్యేక బస్సులను నడుపుతామని తెలిపారు. ఈ అవకాశాన్ని క్రికెట్ అభిమానులు వినియోగించుకోవాలని విజ్ఞప్తి చేశారు.