సిద్దిపేటలో ఆసక్తికర పరిణామం!.. ఓకే వేదికను పంచుకున్నరాజకీయ ప్రత్యర్ధులు

దిశ, డైనమిక్ బ్యూరో: సిద్దిపేటలో రాజకీయంగా ఆసక్తికర పరిణామం చోటు చేసుకుంది.రాజకీయ ప్రత్యర్ధులు ఓకే వేదికను పంచుకొని వేడుకను తిలకించడం చూపరులను ఆశ్చర్యానికి గురిచేసింది. సిద్దిపేటలో శివ పార్వతుల కళ్యాణోత్సవాన్ని ఘనంగా నిర్వహించారు. ఈ వేడుకకు సిద్దిపేట ఎమ్మెల్యే హరీష్ రావు, మెదక్ ఎంపీగా ఇటీవలే ఎన్నికైన రఘునందన్ రావు హాజరయ్యారు. వేడుకకు ముందుగానే చేరుకున్న ఎంపీ రఘునందన్ రావు భక్తులతో కలిసి వేడుకను తిలకిస్తున్నారు. ఇంతలో అక్కడికి చేరుకున్న హరీష్ రావు రఘునందన్ రావుకు కరచాలనం ఇచ్చి శుభాకాంక్షలు తెలియజేశారు. అనంతరం ఇద్దరు పక్కపక్కనే కూర్చొని స్వామి వారి కళ్యాణాన్ని తిలకించారు. మొన్నటి వరకు రాజకీయ ప్రత్యర్ధులుగా హరీష్ రావు బీఆర్ఎస్ పార్టీలో, రఘునందన్ రావు బీజేపీ లో ఉండి ఒకరిపై మరొకరు తీవ్ర విమర్శలు గుప్పించుకున్నారు. ఇప్పుడు ఇద్దరు కలిసి ఒకే వేదికను పంచుకోవడంతో ఆసక్తికరంగా మారింది.