మిధానిలో ఘనంగా ముగిసిన విజిలెన్స్ అవగాహన వారోత్సవాలు...
దిశ, ఎల్బీనగర్ : మిశ్రా ధాతు నిగమ్ లిమిటెడ్ (మిధాని) లో గత వారం రోజులుగా నిర్వహిస్తున్న విజిలెన్స్ అవగాహన వారోత్సవాలు సోమవారం ఘనంగా ముగిశాయి. గత నెల 28వ తేదీన ప్రారంభమైన ఈ వారోత్సవాలు సోమవారంతో ఘనంగా ముగిశాయి. ఈ ముగింపు ఈ కార్యక్రమంలో మిధాని చైర్మన్ అండ్ మేనేజింగ్ డైరెక్టర్ డాక్టర్ ఎస్.కె.ఝా పాల్గొని విజిలెన్స్ ఇన్ హౌస్ మ్యాగజైన్ జాగృతిని విడుదల చేశారు. అనంతరం గత వారం రోజులుగా నిర్వహించిన వివిధ పోటీల్లో గెలుపొందిన విజేతలకు బహుమతులను ప్రదానం చేశారు.
ఈ సందర్భంగా ఎస్.కె.ఝా మాట్లాడుతూ... ఉద్యోగులందరూ తమ వ్యక్తిగత, వృత్తి జీవితంలో అత్యంత సమగ్రతను పాటించాలన్నారు. భారతదేశాన్ని సంపన్న దేశంగా మార్చే లక్ష్యంలో విజయం సాధించడానికి ఈ కార్యక్రమాన్ని విజయవంతం చేయడానికి సహకరించిన మిదాని ఉద్యోగులందరికి ధన్యవాదాలు తెలిపారు. ఈ కార్యక్రమంలో ఫైనాన్స్ డైరెక్టర్ ఎన్.గౌరీ శంకర్, ప్రొడక్షన్ అండ్ మార్కెటింగ్ డైరెక్టర్ టి. ముత్తు కుమార్, ఇతర సీనియర్ నాయకులు పాల్గొన్నారు.
