దేశంలో ముచ్చటగా మూడోసారి మోడీ రావడం ఖాయం : ఈటల రాజేందర్

దిశ, హస్తినాపురం : దేశంలో ముచ్చటగా మూడోసారి ప్రధానమంత్రి నరేంద్ర మోడీ అధికారంలోకి రావడం ఖాయమని బీజేపీ మల్కాజ్గిరి పార్లమెంట్ అభ్యర్థి ఈటల రాజేందర్ అన్నారు. ఎన్నికల ప్రచారంలో భాగంగా సోమవారం ఆయన ఎల్బీనగర్ నియోజకవర్గం లో పార్లమెంటు ఇంచార్జ్ గోలి మధుసూదన్, జిల్లా అధ్యక్షులు సామ రంగారెడ్డి ఆధ్వర్యంలో నిర్వహించిన రోడ్ షోకు ఆయన ముఖ్య అతిథిగా పాల్గొన్నారు. బి.యన్ రెడ్డి నగర్ నుంచి నందనవనం వరకు నిర్వహించిన రోడ్ షో లో పార్టీ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.

ఈ సందర్భంగా ఈటల రాజేందర్ మాట్లాడుతూ... ప్రస్తుతం జరుగుతున్న ఎన్నికలు గల్లి రాజకీయాలు కావని... ఢిల్లీ రాజకీయాలు అన్నారు. కేంద్రంలో కాంగ్రెస్ పార్టీకి 40 సీట్ల కంటే ఎక్కువ రావన్నారు. పేదలకు నరేంద్ర మోడీ కరోనా కష్ట కాలం నుంచి ఇప్పటివరకు ఐదు కిలోల ఉచిత రేషన్ బియ్యం అందజేస్తున్నారన్నారు. కరోనా కష్టకాలంలో ప్రధాని నరేంద్ర మోడీ ఇతర దేశాలకు కరోనా టీకాలను పంపిణీ చేశారన్నారు. ఈ కార్యక్రమంలో నాయకులు పోతూరి కరుణ, ఎల్బీనగర్ నియోజకవర్గం లోని 11 మంది కార్పొరేటర్లు, నాయకులు, కార్యకర్తలు పెద్ద సంఖ్యలో పాల్గొన్నారు.