కొంచెం ఆలోచించి ఉంటే బాగుండేది.. చంద్రబాబు అరెస్ట్‌పై హీరో విశాల్ హాట్ కామెంట్స్
దిశ, వెబ్ డెస్క్: ఏపీ మాజీ సీఎం, టీడీపీ అధినేత చంద్రబాబు నాయుడును స్కిల్ డెవలప్‌మెంట్ కేసులో సీఐడీ అరెస్ట్ చేసిన విషయం తెలిసిందే. ప్రస్తుతం చంద్రబాబు రాజమండ్రి సెంట్రల్ జైలులో 10 రోజులుగా రిమాండ్ ఖైదీగా ఉన్నారు. ఈ కేసుకు సంబంధించి హైకోర్టు, ఏసీబీ కోర్టుల్లో వాదనలు కొనసాగుతున్నాయి. మరోవైపు చంద్రబాబుకు మద్దతు పెరుగుతోంది. పార్టీల కతీతంగా రాజకీయాల నాయకుల నుంచే కాదు సినీ ప్రముఖుల నుంచి కూడా చంద్రబాబుకు మద్దతు పెరుగుతోంది. చంద్రబాబు అరెస్ట్‌ను ఇప్పటికే తెలుగు, తమిళ ఇండస్ట్రీకి చెందిన పలువురు హీరోలు ఖండించారు. ఇప్పుడు తమిళ నటుడు, హీరో విశాల్ సైతం చంద్రబాబు అరెస్ట్ వ్యవహారంలో తప్పుబట్టారు.
చంద్రబాబు అరెస్ట్ విషయంలో ముందుగా కొంచెం ఆలోచించి ఉంటే బాగుండేదని తమిళ నటుడు హీరో విశాల్ అన్నారు. ఆయన నటించిన ‘మార్క్ ఆంటోనీ’ చిత్రం సక్సెస్ సెలబ్రేషన్స్ హైదరాబాద్‌లో నిర్వహించారు. ఈ సందర్భంగా విశాల్ మాట్లాడుతూ చంద్రబాబు అరెస్ట్ బాధాకరమన్నారు. చంద్రబాబు లాంటి వ్యక్తిని అరెస్ట్ చేస్తే తమలాంటి సామాన్యులకు భయం వేస్తోందన్నారు. అన్ని అధారాలతోనే అరెస్ట్ చేసి ఉంటే బాగుందని చెప్పారు. ఇప్పుడు హీరో విశాల్ చేసిన వ్యాఖ్యలు హాట్ టాపిక్‌గా మారాయి.
