మధురానగర్‌లో కారు బీభత్సం

దిశ, జూబ్లిహిల్స్ : మధురానగర్‌లో వెళ్లంకి ఫుడ్స్ సమీపంలో అతివేగంగా వచ్చిన ఓ కారు బీభత్సం సృష్టించింది. వేగంతో అదుపు తప్పి ఇద్దరు స్కూల్‌ పిల్లలు, వాచ్‌మెన్‌ ను ఢీ కొట్టింది. అనంతరం హైమాస్ట్‌ లైట్ల స్తంభాన్ని బలంగా ఢీకుంది. ఈ ప్రమాదంలో స్కూల్ పిల్లలు, వాచ్‌మెన్‌ గాయపడ్డారు. క్షతగాత్రులను స్థానికులు ఆస్పత్రికి తరలించారు. సమాచారం అందుకున్న పోలీసులు సంఘటన స్థలానికి చేరుకొని కేసు నమోదు చేసి దర్యాప్తు చేపట్టారు. పూర్తి వివరాలు ఇంకా తెలియాల్సి ఉంది.