Free Coaching: నిరుద్యోగులకు గుడ్ న్యూస్.. బీసీ స్టడీ సర్కిల్స్ నోటిఫికేషన్ రిలీజ్

దిశ, తెలంగాణ బ్యూరో/ డైనమిక్ బ్యూరో: తెలంగాణలోని నిరుద్యోగులకు ప్రభుత్వం గుడ్ న్యూస్ చెప్పింది. రాష్ట్రంలోని అన్ని (BC Study Circles) బీసీ స్టడీ సర్కిల్లలో ఫిబ్రవరి 15 నుంచి ఆర్ఆర్‌బీ, ఎస్ఎస్‌సీ, బ్యాంకింగ్‌ రిక్రూట్‌మెంట్ కోసం 100 రోజుల పాటు (Free Coaching) ఉచిత శిక్షణ ఇవ్వనుంది. అర్హత గల అభ్యర్థులు ఆన్‌లైన్ www.tgbcstudycircle.cag.gov.in ద్వారా ఈ నెల 20 నుంచి 9 వ తేదీ వరకు దరఖాస్తు చేసుకోవచ్చని బీసీ స్టడీ సర్కిల్ సూచించింది. అయితే తల్లిదండ్రుల ఆదాయం గ్రామీణ ప్రాంతాల్లో రూ.1,50,000, పట్టణ ప్రాంతాల్లో రూ.2,00,000 మించకూడదని సూచించింది.

ఎంపిక విధానం ఇంటర్మీడియట్, డిగ్రీ పరీక్షలో పొందిన మార్కుల ఆధారంగా, అదేవిధంగా రిజర్వేషన్ నియమం ప్రకారం ఉంటుందని స్పష్టం చేసింది. అర్హత గల అభ్యర్థులకు సర్టిఫికెట్ వెరిఫికేషన్ ఫిబ్రవరి 12 నుంచి 14 వ తేదీ వరకు ఉంటుందని ప్రకటించింది. అన్ని బీసీ స్టడీ సర్కిల్‌లలో 15 ఫిబ్రవరి నుంచి ఆర్ఆర్‌బీ, ఎస్ఎస్‌సీ, బ్యాంకింగ్‌ రిక్రూట్‌మెంట్ ఫౌండేషన్ కోర్సు కోసం ఉచిత కోచింగ్ నిర్వహించబడుతుందని బీసీ స్టడీ సర్కిల్ డెరైక్టర్ శ్రీనివాస్ రెడ్డి ఇవాళ ఒక ప్రకటనలో తెలిపారు.