ఓవర్ స్పీడ్ తో ప్రయాణం... కేసీఆర్ బస్సుకు ఫైన్
దిశ, తెలంగాణ బ్యూరో: సీఎం కేసీఆర్ ప్రయాణం చేసిన జేసీబీఎల్ బస్సుకు ట్రాఫిక్ పోలీసులు జరిమానా వేశారు. గత నెల 20న నల్గొండ జిల్లా మునుగోడు సభకు భారీ కాన్వాయితో హైదరాబాద్ నుంచి వెళ్లిన విషయం తెలిసిందే. ఈ సభకు సీఎం కేసీఆర్ హరితహారం ప్రారంభం కోసం, ప్రభుత్వ కార్యక్రమాలు, ఇతర ప్రచార సభకు వినియోగిస్తే జేసీబీఎల్ కంపెనీకి చెందిన బస్సులో వెళ్లారు.
"మనస్వప్నం –మన ధ్యేయం.. బంగారు తెలంగాణ రాష్ట్రం అనే నినాదాలతో ఉన్న టీఎస్ 07 z 6666 అనే నెంబర్ తో ఉన్న ఈ ప్రభుత్వ బస్సు ఓవర్ స్పీడ్ తో వెళ్తోంది. సీఎం కాన్వాయి ఓవర్ స్పీడ్ తో ఉన్నా వాటిని వదిలేసిన రాచకొండ కమిషనరేట్ పరిధిలోని వనస్థలిపురం ట్రాఫిక్ పోలీసులు.. సీఎం కేసీఆర్ ప్రయాణం చేస్తున్న ఈ బస్సుకు వెయ్యి ఫైన్ వేశారు. మొత్తం యూజర్ చార్జీలతో కలుపుకుని రూ. 1035 చెల్లించాలని నోటీసులిచ్చారు. అయితే, జరిమానా వేసిన అంశాన్ని తాజాగా తెలంగాణ స్టేట్ పోలీస్ ఈ చలాన్ సిస్టంలో అప్లోడ్ చేశారు. ఈ నెల 20న ఓవర్ స్పీడ్ కారణంగా RAC94IT225707550 ఈ చలాన్ నెంబర్ ను సైతం వెల్లడించారు.
