ఆర్టీసీ బస్సు, ట్రాక్టర్ ఢీ…పలువురికి గాయాలు

దిశ, కొండపాక: బస్సు ట్రాక్టర్ ఢీకొని ఒకరికి తీవ్ర గాయాలు పలువురికి స్వల్ప గాయాలు అయిన సంఘటన సిద్దిపేట జిల్లా కుకునూర్ పల్లి మండల కేంద్రంలో రాజీవ్ రహదారిపై చోటు చేసుకుంది. స్థానికులు తెలిపిన వివరాల ప్రకారం…. గజ్వేల్ ప్రజ్ఞాపూర్ డిపో కి చెందిన బస్సు హైదరాబాద్ నుంచి సిద్దిపేట వైపు వస్తుండగా మార్గమధ్యలో కుకునూర్ పల్లి వద్ద రాజీవ్ రహదారిపై రాంగ్ రూట్ లో వడ్ల లోడుతో వెళ్తున్న ట్రాక్టర్ బస్సు ఎదురు ఎదురుగా బలంగా ఢీకొన్నాయి. దీంతో ట్రాక్టర్ పూర్తిగా ధ్వంసం కాగా బస్సులో ఉన్న బస్సు డ్రైవర్ దాస్ కు తీవ్ర గాయాలు కాగా బస్సులో ఉన్న నీలిమ(30) ,అరుణ(28), విజయ(55), శీరిష(58) లకు , పలువురు కి స్వల్ప గాయాలయ్యాయి. ఈ విషయం తెలుసుకున్న కొండపాక 108 సిబ్బంది మెడికల్ టెక్నీషియన్, మహేందర్, పైలట్ శ్రీనివాస్ లు సంఘటన స్థలానికి చేరుకుని క్షత్రగాత్రలకు ప్రథమ చికిత్స అందించి గజ్వేల్ ప్రభుత్వ ఆసుపత్రికి తరలించారు. గాయపడిన వారిలో బస్సు డ్రైవర్ దాస్ పరిస్థితి విషమంగా ఉందని డాక్టర్లు తెలిపారు. ఈ ఘటన విషయం తెలుసుకున్న కుకునూర్ పల్లి ఎస్ ఐ పి శ్రీనివాస్ తన సిబ్బందితో క్షతగాత్రులను అంబులెన్స్ లో పంపించి ట్రాఫిక్ క్లియర్ చేశారు. ప్రమాదానికి సంబంధించి పూర్తి వివరాలు తెలియాల్సివుంది.