ఫిలిం‌ఫేర్(సౌత్)లోనూ సత్తా చాటిన.. మా అన్న వేణు యేల్దండికి అభినందనలు: కేటీఆర్

దిశ, వెబ్‌డెస్క్: తెలుగు సినీ చరిత్రలో ఎవరూ ఊహించని స్థాయిలో చిన సినిమా అయినప్పటికి బలగం సినిమా భారీ విజయం సాధించింది. తెలంగాణ కుటుంబ నేపథ్యంలో జబర్ధస్త్ కమెడియన్ వేణు దర్శకత్వం వహించిన ఈ సినిమా భారీ కలెక్షన్లతో పాటు ఎన్నో అవార్డులు అందుకుంది. శనివారం రాత్రి హైదరాబాద్ లో జరిగిన ఫిలిం‌ఫేర్(సౌత్) అవార్డులో.. ఉత్తమ చిత్రంగా బలగం, ఉత్తమ దర్శకుడిగా వేణుయేల్దండి నిలిచాడు. ఈ అవార్డులపై తెలంగాణ మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్ ట్విట్టర్ వేదికగా స్పందించారు. కేటీఆర్ తన ట్వీట్ లో.. ఫిలిం‌ఫేర్ (సౌత్) అవార్డుల్లో ఉత్తమ చిత్రం, ఉత్తమ దర్శకుడి అవార్డులు అందుకున్న మా అన్న వేణుయేల్దండికి అభినందనలు. ఇలాగే మరెన్నో విజయవంతమైన సంవత్సరాల కీర్తి కి నాంది కావాలని కోరుకుంటున్నానని రాసుకొచ్చారు.