కేసీఆర్‌ను పరామర్శించిన సినీ నటుడు ప్రకాష్ రాజ్

దిశ, తెలంగాణ బ్యూరో : తెలంగాణ మాజీ ముఖ్యమంత్రి కేసీఆర్ ను సోమవారం యశోద దవాఖానలో సినీ నటుడు ప్రకాశ్ రాజ్ పరామర్శించారు. ఆరోగ్య వివరాలను అడిగి తెలుసుకున్నారు. పార్టీ వర్కింగ్ ప్రెసిడెంట్ కేటీఆర్ ను కలిసి పరామర్శించారు. కేసీఆర్ ఆరోగ్యపరిస్థితి గురించి ఆరా తీశారు. కోలుకుంటున్న విషయం తెలుసుకున్నారు. ఎమ్మెల్సీ కవిత ఉన్నారు. అదే విధంగా మాజీ మంత్రులు గంగుల కమలాకర్, మల్లారెడ్డి, ఎంపీ మాలోత్ కవిత, ఎమ్మెల్సీ లు మధుసూదన చారి, మాజీ ఎమ్మెల్యేలు ఆల వెంకటేశ్వర్ రెడ్డి మోత్కుపల్లి., చల్మడ లక్ష్మి నరసింహారావు తదితరులు కూడా కేసీఆర్ ఆరోగ్యపరిస్థితి గురించి తెలుసుకొని కుటుంబ సభ్యులను పరామర్శించారు.