ఘోర రోడ్డు ప్రమాదం.. కొత్త దంపతులు సహా ఐదుగురు మృతి

దిశ, అల్వాల్ : ఆళ్లగడ్డ మండలం నల్లగట్ల వద్ద తెల్లవారుజామున ఘోర రోడ్డు ప్రమాదం జరిగింది. రోడ్డుపై ఆగి ఉన్న లారీని వెనుక నుండి కారు ఢీ కొట్టడంతో కారులో ఉన్న ఐదుగురు మృతి చెందారు. తిరుపతి నుంచి హైదరాబాద్ వెళుతుండగా ప్రమాదం చోటుచేసుకుంది. మృతుల్లో ముగ్గురు పురుషులు, ఇద్దరు మహిళలు ఉన్నట్లు గుర్తించారు. ప్రమాదానికి గురైన స్విఫ్ట్ కారు నంబర్ TS08GE1680సికింద్రాబాద్‌లోని వెస్ట్ వెంకటాపురానికి చెందిన వారిగా గుర్తించారు. నూతన వధూవరులు మంత్రి బాలకిరణ్, కావ్యతో పాటు బాలకిరణ్ తల్లిదండ్రులు లక్ష్మి, మంత్రి రవికుమార్ సహా డ్రైవర్ మృతి చెందారు.

ఫిబ్రవరి 29 న తెనాలిలో పెళ్లి వేడుకలు చేసుకొని, ఈనెల 3 న షామీర్ పేటలో రిసెప్షన్ వేడుకలు జరుపుకోని ఈ నెల 4 తిరుపతి వెళ్లి తిరిగి ప్రయాణంలో ప్రమాదానికి గురయ్యారు. అల్వాల్‌లోని మృతుని నివాసం వద్ద విషాదఛాయలు అలుముకున్నాయి. మృతులు షామీర్‌పేట మండలం అలియాబాద్ గ్రామానికి చెందినవారు కాగా గత పది పదిహేను సంవత్సరాలుగా అల్వాల్ పల్లి వెస్ట్ వెంకటాపురంలో నివాసం ఉంటున్నట్లు తెలిసింది.