విజన్ ఫర్ మల్కాజ్‌గిరి.. “మోదీ గ్యారెంటీ - ఈటల షూరిటీ”

దిశ, వెబ్‌డెస్క్: 2024 అసెంబ్లీ ఎన్నికల్లో మల్కాజ్ గిరి పార్లమెంట్ స్థానం నుంచి గెలుపే లక్ష్యంగా బీజేపీ నేత ఈటల రాజేందర్ ముందుకు సాగుతున్నారు. ఈ క్రమంలో తాను దేశంలోనే అతిపెద్ద పార్లమెంట్ స్థానం నుంచి గెలిచి..నరేంద్ర మోడీకి గిఫ్ట్ గా ఇవ్వాలని.. ఈటల చూస్తున్నారు. ఈ క్రమంలోనే త్వరలో జరగబోయే ఎన్నికల్లో గెలుపే లక్ష్యంగా ముందుకు సాగుతున్న ఆయన.. విజన్ ఫర్ మల్కాజ్ గిరి పేరుతో.. “మోదీ గ్యారెంటీ - ఈటల షూరిటీ” నినాదంతో 7 ప్రత్యేకమైన హామీలతో ఈటల తన మేనిఫెస్టోను విడుదల చేశారు. ఇందులో 1 - వికసిత్ మల్కాజ్‌గిరి., 2 - స్వచ్ఛ మల్కాజ్‌గిరి, 3 - నైపుణ్య/స్కిల్డ్ మల్కాజ్‌గిరి, 4 - ఆరోగ్య/ఆయుష్మాన్ మల్కాజ్‌గిరి. 5 - ఆత్మనిర్భర నారీ శక్తి మల్కాజ్‌గిరి, 6 - డిజిటల్/ఐటి ఆధారిత మల్కాజ్‌గిరి, 7 - మేక్ ఇన్ మల్కాజ్‌గిరి అనే హామిలను ఈటల రాజేంద్ర మల్కాజ్‌గిరి ఓటర్లకు ఇచ్చారు. కాగా జాతీయ స్థాయిలో బీజేపీ పార్టీ తమ మేనిఫెస్టోను విడుదల చేయక ముందే ఈటల తన ప్రత్యేక మేనిఫెస్టోను విడుదల చేయడంతో మాల్కాజ్ గిరి ఓటర్లు తీవ్ర స్థాయిలో చర్చించుకుంటున్నారు.