ఆ ఫోన్ కాల్స్ చాలా ఇంపార్టెంట్.. పోలీసులకు DGP కీలక సూచన

దిశ, క్రైమ్ బ్యూరో: డయల్ 100/112 ఫోన్ కాల్స్ పని తీరుపై డీజీపీ జితేందర్ శుక్రవారం వీడియో కాన్ఫరెన్స్ ద్వారా సమీక్షించారు. ఈ సందర్భంగా డీజీపీ జితేందర్ మాట్లాడుతూ.. శాంతి భద్రతలను కాపాడటంతో పాటు ప్రజలకు సత్వర సేవలను అందించడంలో డయల్ 100/112 కీలక పాత్ర పోషిస్తుందన్నారు. ఈ ఫోన్ కాల్స్ అందిన వెంటనే పోలీసులు సమర్ధవంతమైన సేవలను అందించాలని స్పష్టం చేశారు. ఈ సేవలను ఇంకా మెరుగైన సద్ధతిలో నిర్వహించేందుకు అధికారుల నుంచి సలహాలు, సూచనలను డీజీపీ తీసుకున్నారు. ప్రజలకు పోలీసుల పై విశ్వాసాన్ని పెంపొందించే విధంగా పోలీసు అధికారులందరూ అత్యున్నత సప్రమాణాలను పాటించాలని డీజీపీ సూచించారు. ఈ కార్యక్రమంలో అదనపు డీజీపీ మహేష్ భగవత్, వివి శ్రీనివాస్ రావు, నగర జాయింట్ సీపీ పరిమళ హన నూతన్, ఐజీపీలు రమేష్, సత్యనారాయణ, ఇన్స్ పెక్టర్‌లు పాల్గొన్నారు.