తెలంగాణలో రైతులు ఏడుస్తుంటే.. ఢిల్లీలో BRS పండగ: మాజీ MP పొన్నం
దిశ, తెలంగాణ బ్యూరో: రోడ్డున పడ్డ కుటుంబాలకు అండగా ఉంటామని మాజీ ఎంపీ పొన్నం ప్రభాకర్పేర్కొన్నారు. శనివారం ఆయన గాంధీభవన్‌లో మీడియాతో మాట్లాడుతూ.. రాష్ట్రంలో కొనుగోలు కేంద్రాల నిర్వహణ సరైన తీరులో లేనందున రైతులకు తీవ్ర నష్టం వాటిల్లుతుందన్నారు. కేంద్రాలకు ధాన్యం వచ్చినా.. తీసుకోవట్లేదన్నారు. రైతులు ఏడుస్తుంటే. ఢిల్లీలో బీఆర్ఎస్ పండగ చేసుకుంటుందన్నారు. ప్రభుత్వ నిర్లక్ష్యం వల్ల నిరుద్యోగుల కుటుంబాలు రోడ్డున పడుతున్నాయన్నారు. నిరుద్యోగులకు కాంగ్రెస్ అండగా పోరాటం చేస్తుందన్నారు. రాష్ట్రంలో నిరుద్యోగ సమస్య తీవ్రంగా ఉన్నదని, కాంగ్రెస్పార్టీ తప్పకుండా ఆదుకుంటుందన్నారు.
మాజీ ఎంపీ అంజన్ కుమార్ యాదవ్ మాట్లాడుతూ.. కేసీఆర్ఇంటికో ఉద్యోగమంటూ.. మోడీ సంవత్సరానికి రెండు కోట్ల ఉద్యోగాలని ప్రజలను మోసం చేశారని గుర్తు చేశారు. మాజీ కేంద్ర మంత్రి బలరాం నాయక్ మాట్లాడుతూ.. కర్ణాటక ప్రచారం పూర్తి చేసుకొని ఈ నెల 8న తేదిన ప్రియాంక గాంధీ హైదరాబాద్‌కు వస్తున్నట్లు ప్రకటించారు. ప్రజలంతా ప్రియాంక పర్యటనకు మద్ధతు తెలపాలని కోరారు. మాజీ ఎంపీ సురేష్ సటక్కర్ మాట్లాడుతూ.. బంగారు తెలంగాణ పేరిట కేసీఆర్ కుటుంబం అంతా బంగార మయం అయిందన్నారు.
Also Read:
బీఆర్ఎస్ ప్రభుత్వంతోనే అన్ని రంగాల్లో అభివృద్ధి : ఎంపీ కొత్త ప్రభాకర్ రెడ్డి
