BREAKING: ముగిసిన సీఎల్పీ మీటింగ్.. అందరిలో తీవ్ర ఉత్కంఠ
దిశ, వెబ్‌డెస్క్: సీఎల్పీ నేత ఎంపిక కోసం కాంగ్రెస్ పార్టీ నిర్వహించిన సమావేశం ముగిసింది. గచ్చిబౌలిలోని ఎల్లా హోటల్‌లో ఏఐసీసీ పరిశీలకుల సమక్షంలో దాదాపు గంటపాటు ఈ మీటింగ్ జరిగింది. సీఎల్పీ నేత ఎంపిక బాధ్యతను పార్టీ హై కమాండ్‌కు అప్పగిస్తూ కొత్తగా ఎన్నికైన ఎమ్మెల్యేలు ఏక వాక్య తీర్మానం చేశారు. ఈ తీర్మానాన్ని టీపీసీసీ చీఫ్ రేవంత్ రెడ్డి ప్రవేశపెట్టగా.. మాజీమంత్రి తుమ్మల బలపర్చారు. దీంతో ముఖ్యమంత్రి ఎంపికను అధిష్టానం చూసుకోనుంది. మరి కాసేపట్లో ఏఐసీసీ పరిశీలకులు మీడియా ముందుకు వచ్చి సీఎల్పీ నిర్ణయం వెల్లడించనున్నారు. దీంతో సీఎం ఎవరు అవుతారని రాష్ట్రవ్యాప్తంగా తీవ్ర ఉత్కంఠ నెలకొంది. ముఖ్యంగా సీఎం రేసులో రేవంత్ రెడ్డి పేరు వినిపిస్తుంది. సీఎల్పీ మీటింగ్‌లో దాదాపు ఆయన పేరే ఖరారు అయినట్లు తెలుస్తోంది. మరి కాసేపట్లో తెలంగాణ నూతన ముఖ్యమంత్రి ఎవరూ అనేది దానిపై క్లారిటీ రానుంది.
