తెలంగాణకు మరో భారీ పెట్టుబడి.. మంత్రి కేటీఆర్ ఏమన్నారంటే?

దిశ, డైనమిక్ బ్యూరో: రాష్ట్రంలో భారీగా పెట్టుబడులు పెట్టడానికి ఎంన్‌సీ కంపెనీ ముందుకు వచ్చింది. గ్లోబల్‌ ప్రైవేట్‌ ఈక్విటీ సంస్థ అయిన అడ్వెంట్‌ ఇంటర్నేషనల్‌ రాష్ట్రంలో రూ.16,650 కోట్ల పెట్టుబడి పెట్టడానికి ముందుకువచ్చింది. ఈ మేరకు కంపెనీ ఎండీ పంకజ్‌ పట్వారీ, సంస్థ ప్రతినిధులు మంత్రి కేటీఆర్‌తో సమావేశమయ్యారు. ఈ నేపథ్యంలో సంస్థ పెట్టుబడిపై మంత్రి కేటీఆర్‌ ఇవాళ ట్విట్టర్ వేదికగా వెల్లడించారు. హైదరాబాద్‌లో గ్రీన్‌ఫీల్డ్‌ ఆర్‌ అండ్‌ డీ ల్యాబ్‌ను ఏర్పాటు చేయడం సంతోషంగా ఉందని తెలిపారు. ఇది ఫార్మా, లైఫ్‌ సైఫ్‌సైన్సెస్‌ రంగాల్లో హైదరాబాద్‌ వృద్ధికి సంకేతమని వెల్లడించారు. అడ్వెంట్‌ ఇంటర్నేషనల్‌ సంస్థకు రాష్ట్ర ప్రభుత్వం తరఫున అన్నివిధాలుగా సహకరిస్తామని పేర్కొన్నారు.